Apple-ი მუშაობს Mac OS X 10.5.1-ზე

ახალი ოპერაციული სისტემის Mac OS X Leopard-ის გამოშვებიდან სულ რამდენიმე დღეა გასული, Apple-ი კი უკვე აპირებს დაუგზავნოს პროგრამული უზრუნველყოფის მწარმოებლებს მომავალი განახლების პირველი ტესტური ანაწყობი Mac OS X 10.5.1, გვატყობინებს MacRumors-ი.

ინფორმაცია იმის შესახებ, თუ რა სახის სიახლეები იქნება განახლებაში, ჯერ არ არსებობს. Apple-ი ტრადიციულად პირველ განახლებას უშვებს საკმაოდ მცირე დროში ახალი ოს-ის გამოშვებიდან – მაგალითად, Mac OS X 10.4.1 გამოვიდა Tiger-ის დებიუტიდან სამი კვირის თავზე.

ამასობაში Tiger-ის ფინალურ განახლებას, Mac OS X 10.4.11-ს შეიძლება ყოველდღე ველოდოთ.

წყარო: MacRumors