პროგრამული უზრუნველყოფა, ნაწილი 1-ლი

დღეიდან ჩვენ ვიწყებთ მაკის პროგრამული უზრუნველყოფის მცირე მიმოხილვებს (მომავალში, პირობას გაძლევთ, რომ თითოეული პროგრამა დეტალურად იქნება აღწერილი).

ყურადღება! ეს არ არის ვარეზი! მე არ დავდებ არცერთი პროგრამის კრეკს, სერიულ ნომერს ან სხვა სახის „წამალს“! გთხოვთ ასეთი თხოვნით არ მომმართოთ!

მაშ ასე, ნაწილი პირველი:

1. Daylite 3.2.3 – მაკ მმართველი

კომპანიამ Marketcircle გამოუშვა Daylite Productivity Suite-ის ახალი პაკეტი, რომელიც განკუთვნილია ამოცანათა სიების შედგენისა და მართვისათვის.

პროგრამა შესაძლებლობას გაძლევთ შექმნათ და დაარედაქტიროთ კალენდრები, მართოთ საკონტაქტო პირების ცნობარები და თვალყური ადევნოთ მსხვილი პროექტების შერულების მიმდინარეობას; მხარდაჭერილია მონაცემთა სინქრონიზაცია ჯიბის კომპიუტერებთან Palm და კომუნიკატორებთან BlackBerry.

მწარმოებლის საიტი

2. Spector 3.0.15 – მაკ შპიონი

Spector – ეს არის პროგრამა, რომელიც იწერს ყველაფერს, რაც ხდება კომპიუტერში. იგი ავტომატურად აკეთებს ეკრანის ფოტოებს დროის განსაზღვრული ინტერვალების გამოტოვებით და ინახავს ამ ფოტოებს ქსელურ დისკზე. ეკრანის სურათების შეიძლება გაკეთდეს ყოველ რამდენიმე წამში ან წუთში ერთხელ.

მწარმოებლის საიტი

3. ClamXav 1.0.8 – უფასო ანტივირუსული სკანერი

ClamXav – ღია წყაროზე დაფუძნებული, უფასო ანტივირუსული სკანერია Mac OS X-თვის. მწარმოებლები ყურადღებას ამახვილებენ იმაზე, რომ თუმც ოპერაციული სისტემა Mac OS X-ი ნაკლებად არის ჭია-ვირუსების და სხვა სახის მავნე კოდის მხრიდან დასნებოვნების მსხვერპლი, მაგრამ ფაილები, რომლებიც გადაეცემათ Mac-ის მომხმარებელებს იმ პირებისაგან, ვინც მუშაობს Microsoft Windows-ში, შეიძლება შეიცავდნენ საშიშროებას. ამასთან ერთად, არ უნდა დავივიწყოთ ის, რომ Mac-ზე Windows-ში ემულატორების საშუალებით მუშაობისას, ასევე შესაძლებელია გახდეთ ვირუსული შეტევის მსხვერპლი.

მწარმოებლის საიტი

ემინემი Apple-ს უჩივის

ცნობილი რეპერის, ემინემის იურისტებმა სარჩელი შიტანეს Apple-ის წინააღმდეგ, ისინი კომპანიას ადანაშაულებენ შესმრულებლის ჩანაწერების უკანონო გავრცელებაში.

სარჩელი, რომლის ავტორიც არის შემსრულებლის გამომცემელი კომპანია Eight Mile Style და კომპანია Martin Affiliated, რომელიც საავტორო უფლებების მართვითაა დაკავებული, შევიდა ქალაქ დეტროიტის საოლქო სასამართლოში. მასში მოსარჩელეები ამტკიცებენ, რომ Apple-ს არა აქვს უფლება გაავრცელოს ემინემის ნაწარმოებები iTunes-ის საშუალებით. Apple-ი თავის მხრივ ამტკიცებს, რომ ასეთი უფლებები მან მიიღო კომპანია Universal-გან, ამიტომაც, გამორიცხული არაა, რომ თვითონ ხმისჩამწერი სტუდიაც მალე აღმოჩნდეს შესმრულებლის იურისტთა შემდეგი სამიზნე.

იურისტის ოუენ სლოუნის (Owen Sloane) განცხადებით, ეს სასამართლო პროცესი ძალზედ მნიშვნელოვანია მუსიკალური ინდუსტრიისათვის. ხმისჩამწერი კომპანიები, რომელთაც აქვთ შემსრულებლის მუსიკის კომპაქტ-დისკებით რეალიზაციის უფლება, კონტრაქტიდან გამომდინარე, შეიძება არ ჰქონდეთ ციფრული ჩამოტვირთვადი აუდიოს რეალიზაციის უფლება. „ჩვენ ვხედავთ კიდევ მრავალ ასეთ პროცსესს“, – ამბობს იურისტი.

წყარო: The Detroit News

Microsoft-მა გამოუშვა Office Open XML Converter-ის ახალი ბეტა-ვერსია

Microsoft-ის ქვეგანყოფილებამ Mac Business Unit გამოუშვა კონვერტორის ახალი ბეტა-ვერსია, რომელიც გარდაქმნის Windows-ის Office 2007-ის დოკუმენტებს ფორმატში, რომელიც თავსებადია Microsoft Office 2004-თან и Microsoft Office X для Mac OS X-თან.

პროგრამა უზრუნველყოფს როგორც ერთი, ასევე რამდენიმე ფაილის ერთდროულ კონვერტაციას.

ახალ ბეტა-ვერსიაში გამჯობესდა XML შიგთავსთან, ტექსტში ჩასმულ გამოსახულებასთან, ბმულებიან გამოსახულებებთან, WMF/EMF გრაფიკასთან, SmartArt-თან, Unicode-თან და ა.შ. მუშაობა.

ჩამოტვირთვა შესაძლებელია აქედან. ფაილის ზომა — 21 მბაიტი.

წყარო: Microsoft Mactopia

გამოვიდა AirPort Extreme Update 2007-004

Apple-მა გამოუშვა პროგრამული უზრუნველყოფის განახლება, რომელიც უზრუნველყოფს უსადენო კავშირს, – AirPort Extreme Update 2007-004.

კომპანიის განცხადებით, განახლება აუმჯობესებს უსადენო კავშირების საიმედობას და რეკომენდირებულია შემდეგი კომპიუტერებისათვის: MacBook, MacBook Pro და Mac mini Intel პროცესორებით.

განახლების ინსტალაციისათვის საჭიროა სისტემის განახლება 10.4.10 ვერსიამდე.

Apple-მა გამოუშვა Security Update 2007-07

Apple-მა გამოუშვა უსაფრთხოების სისტემის მორიგი განახლება, რომელიც აღმოფხვრის უწესრიგობებს Mac OS X 10.3 Panther და 10.4 Tiger-ში, — Security Update 2007-07.

აღნიშნული განახლებას შეაქვს ცვლილება ოპერაციული სისტემის მრავალ კომპონენტში, მათ შორის: bzip2, CFNetwork, Core Audio, cscope, gnuzip, Kerberos mDNSResponder, PDFKit, PHP, Quartz Composer, samba (Windows-ქსელების მხარდაჭერა) и WebKit/WebCore (გამოიყენება ბრაუზერში Safari და სხვა პროგრამებშიც, რომლებიც ქსელთან მუშაობენ).

განახლება გამოვიდა შემდეგი რედაქციებით: Panther Client, Panther Server, Tiger Client PowerPC, Tiger Client Universal, Tiger Server PowerPC და Tiger Server Universal. სანამ განახლებას დააყენებდეთ Mac OS X Tiger-ზე, სისტემა უნდა განაახლოთ ვერსიამდე 10.4.10.

განახლების დაყენება შესაძლებელია Apple Software Update-ის საშუალებით.

დამატებითი ინფორმაცია იხილეთ აქ.

წყარო: Apple

iPhone-ში აღმოჩენილია გამოუყენებელი პროგრამების კვალი

Apple iPhone-ის შიდა პროგრამულ უზრუნველყოფაში აღმოჩენილია პროგრამები, რომლებიც არ არის ხელმისაწვდომი მოწყობილობის ინტერფეისიდან.

„Default ApplicationState.plist“ ფაილის სისტემური პარამეტრების გამოკვლევისას, აღმოჩენილი იქნა შემდეგი ჩანაწერები:

  • com.apple.unitconverter
  • com.apple.widget.phonebook
  • com.apple.widget.translation
  • com.apple.widget.worldclock
  • com.apple.mobile.radio

უნდა ავღნიშნოთ, რომ iPhone-ის ხელსაწყოთა უმეტესი ნაწილი OS X პროგრამაა, ამიტომაც გამორიცხული არაა, რომ აღნიშნული სტრიქონები არაფერია თუ არა ატავიზმი, რომელიც შემთხვევით ჩარჩა. უფრო საინტერესოა პროგრამა „mobile radio“: მისი ანალოგი ოპერაციულ სისტემაში არ არის, ანუ, ეს მეტყველებს იმაზე, რომ კუპერტინოში განიხილავდნენ რადიო გადაცემების, საეთერო ან ინტერნეტ-რადიოს, მიღებას.

წყარო: iPhoneology

Apple-მა გამოუშვა Pro Application Support 4.0.1

Apple-მა გამოუშვა საერთო განახლება ვიდეო და აუდიო შიგთავსთან სამუშაო პროფესიული პროგრამებისათვის — Pro Application Support 4.0.1.

კომპანიის განცხადებით, განახლება აუმჯობესებს პროფესიული პაკეტების ინტერფეისის საიმედობას . Apple-ი გვირჩევს დავაყენოთ ეს განახლება, თუ ვსარგებლობთ შემდეგი პროგრამებით: Final Cut Studio, Final Cut Pro, Motion, Soundtrack Pro, DVD Studio Pro, Aperture, Final Cut Express HD, Soundtrack, Logic Pro და Logic Express.

Apple-ის ვებ-საიტზე, რომელიც ეძღვნება Pro Application Support 4.0.1, შეიძლება მოვხვდეთ აქედან. მანდვე შესაძლებელია ჩამოტვირთვის პირდაპირი ბმულის მიღება.

განახლების დაყენება აგრეთვე შესაძლებელია Software Update-ის დახმარებით.

წყარო: Apple

Apple-ი გამართავს შეხვედრას პრესასთან 7 აგვისტოს. ნუთუ ახალი iMac-ი?

სხვადასხვა ვებ-საიტების მონაცემებით, აგვისტოს დასაწყისში Apple-ი გეგმავს გამართოს სპეციალური ღონისძიება პრესისათვის, რომელიც მთლიანად iMac კომპიუტერებს დაეთმობა.

ღონისძიება ჩატარდება კომპანიის ცენტრალურ ოფისში, კუპერტინოში, 7 აგვისტოს დილის ათ საატზე ადგილობრივი დროით.

დამკვირვებელთა ვარაუდით, ამ დღეს კომპანია წარმოადგენს iMac-ის დიდი ხნის ნანატრ ახალ ვერსიას, რომლებიც, როგორც ვარაუდობენ, იქნება უფრო თხელი brushed aluminium კორპუსით, აგრეთვე iLife-ის ახალი ვერსიით, რომელიც არ განახლებულა Macworld 2006-ის შემდეგ.

Apple-მა გამოუშვა iPhone Software v1.0.1

Apple-მა გამოუშვა თავისი მობილური ტელეფონის შიდა პროგრამული უზრუნველყოფის განახლება – iPhone Software v1.0.1. კომპანიის განცხადებით, განახლება, რომელიც ყენდება iTunes-ის საშუალებით, შეიცავს ზოგიერთი შეცდომის გასწორებას. ამასთან ერთად, Apple-ი არ იტყობინება iPhone-ში ახალი ფუნქციონალურობის დამატების შესახებ.

iPhone-ის კომპიუტერთან სინქრონიზაციისათვის მიერთებისას, მომხმარებელი დაინახავს შეტყობინებას iTunes-გან ახალი განახლების შესახებ, რის შემდეგაც გამოჩნდება წინადადება მისი ჩამოტვირთვის შესახებ.

განახლების პროცესი რამდენიმე წუთი გრძელდება, რომლის დროსაც ტელეფონის ეკრანზე ჩანს Apple-ის ლოგოტიპი და განახლების პროცესის ინდიკატორი.

იქიდან გამომდინარე, რომ ვერსიის ნომერი შეიცვალა მხოლოდ მეორე წერტილის შემდეგ, ამ განახლებისაგან ბევრს არ უნდა ველოდოთ. როგორც სჩანს, მასში გასწორებულია უსაფრთხოების სისტემის უწესრიგობები და წვრილი შეცდომები, როგორიცაა მაგალითად, ტელეფონის დატენვის ინდიკატორის არაკორექტული გამოსახვა.

Apple-მა გამოუშვა Safari 3.0.3

Apple-მა გამოუშვა განახლებული ბეტა-ვერსია – Safari 3.0.3 Mac OS X 10.4 Tiger, Microsoft Windows XP და Vista ოპერაციული სისტემებისათვის.

განახლებულ ვერსიაში გამჯობესებულია მუშაობის სტაბილურობა და აღმოფხვრილია ზოგიერთი უწესრიგობა.

Safari-ს საბოლოო ვერსია შევა Mac OS X – 10.5 Leopard-ის შემადგენლობაში, რომელიც, როგორც ვიცით, ოქტომბერში გამოვა. როგორც სჩანს, მასთან ერთად გამოვა Windows-ვერსია.

ახალი ვერსიის ჩამოტვირთვა შესაძლებელია აქედან.

წყარო: Apple