დოქტორ დელფიუსის ლაბორატორია

Tag: Beta

  • გამოვიდა iPhone SDK 3.2 beta 3

    წუხელ ღამით გამოვიდა iPhone SDK 3.2-ის მორიგი, მესამე ბეტა ვერსია. როგორც ყოველთვის, გასწორებულია წვრილ-წვრილი შეცდომები და დამატებულია ახალი API. სიახლეებიდან შეგვიძლია გამოვყოთ iPad Simulator-ში დამატებული ხატულა “Gallery” (MobileSlideShow.app) და ეკრანის ფონური ნახატის შეცვლის შესაძლებლობა.

    მრავალრიცხოვანმა ინტერნეტ-გამოცემებმა უკვე დაიწყეს ახალი SDK-ს შიგთავსში ქექვა. ჯერ-ჯერობით ნაპოვნია შემდეგი რამ:

    • ნაპოვნია კამერის მრავალრიცხოვანი მოხსენიება, მაგრამ რატომღაც არავის არ მოსდის თავში აზრი, რომ შესაძლოა საუბარი იყოს მიერთებად კამერაზე;
    • ერთ-ერთ ფაილში ნაპოვნია ინფორმაცია ფრონტალურ კამერაზე, ციმციმაზე და ვიდეო-ზარებზე. თუმცა დარწმუნებით ვერ ვიტყვით რომ ეს ინფორმაცია iPhone-ის შესახებ არ არის.

  • iPhone OS 3.0 beta 2

    გუშინდელი დღე აღინიშნა iPhone OS 3.0-ის მეორე ბეტას გამოსვლით. ამ ვერსიაში დეველოპერებისათვის ხელმისაწვდომი გახდა push-შეტყობინებები და პროგრამის შიგნით დამატებითი შიგთავსის შეძენის შესაძლებლობა, ასე რომ როგორც იქნა ასე ნანატრი შესაძლებლობები უკვე შეუძიათ დაამატონ პროგრამებს. Engadget-ის ცნობით, პირველი ბეტა საშინლად არასტაბილური გამოვიდა, ხოლო მეორე ბეტა უკვე საკმაოდ სტაბილურია.

    iPhone OS beta 2-ს გამოსვლასთან დაკავშირებულია კიდევ ერთი კარგი და ცუდი სიახლე. კარგი ისაა, რომ მეორე ბეტაში უკვე არის MMS-ის მხარდაჭერა და ტელეფონის მოდემად გამოყენების შესაძებლობა. ცუდი კიდევ ისაა, რომ Apple-ი სთხოვს დეველოპერებს ჯერ არ გამოიყენონ ეს შესაძლებლობები. TUAW-ის აზრით, ეს იგივეა, რომ „გქონდეს Ferrari ბორბლების გარეშე“.

    რათქმაუნდა, სისტემის ახალი ვერსია ხელმისაწვდომია მხოლოდ დეველოპერების საიტზე, ხოლო უბრალო მომხმარებლები მიკროკოდის ამ ვერსიაზე ივნისში გადავლენ.

  • Apple-მა დააგზავნა ტესტერებთან Mac OS X 10.5.1-ის ანაწყობი

    პირველი ტესტური ანაწყობის გამოსვლის შემდეგ ერთ კვირაზე მცირე დროში, Apple-მა ტესტერებს დაუგზავნა შემდეგი ანაწყობი – 9B16.

    MacRumors-ის ინფორმაციით, თანმხლებ დოკუმენტაციაში არ არის ინფორმაცია ცნობილი უწესრიგობების შესახებ, თუმცა განახლებების და გაუმჯობესებების სიაც დიდად არ განახლებულა. კერძოდ, build 9B16-ში გასწორებულია დისტანციური პროიგრამების განახლების შეცდომა, ფაილების გადატანა საქაღალდეებში და DNS-თან მუშაობა. შეგახსენებთ, რომ სადებიუტო ანაწყობში გასწორებული იყო ფოსტის სინქრონიზაციის უწერიგობები, Spotlight-ის ინდექსირება, დისკების მართვა, DesktopServices-ის სერვისები და ფაილების გადაადგილება ტომებს შორის, ტექსტის გადახატვა, iCal-ის და CalDAV-ის სინქრონიზაცია, Keychain-ის მუშაობა, SMB, AirPort 802.1X, Application Firewall, To-Do Notes და Smart Mailboxes.

    წყარო: MacRumors