დოქტორ დელფიუსის ლაბორატორია

Tag: EA

  • EA გამოუშვებს „Spore-ის არსებათა ლაბორატორიას“ Mac-ისათვის

    კომპანიამ Electronic Arts გამოუშვა Spore Creature Creator-ის Mac-ვერსია — ჯერ კიდევ არგამოშვებული, მაგრამ უკვე ლეგენდარული თამაშის Spore-ის დემო.

    Spore Creature Creator-ში ნაჩვენებია ერთ-ერთი ხელსაწყო, რომელიც საშუალებას გვაძევს შევქმნათ სხვადასხვა არსებები. ამისათვის მოთამაშემ უნდა შეაერთოს სხეულის საჭირო ნაწილები სასურველი თანმიმდევრობით, მიუთითოს კანის ფაქტურა და ფერი და პროგრამა გააცოცხლებს ამ არსებას. პროგრამის უფასო ვერსიაში ხელმისაწვდომია არსებათა მხოლოდ 25%.

    Spore Creature Creator-ის ფასია — $10, უფასო საცდელი ვერსია შეგიძლიათ გადმოწეროთ აქედან (197 მბაიტი).

    წყარო: Spore

  • პირველი თამაში iPhone-ისათვის EA-სგან სექტემბერში გამოვა

    iPhone SDK-ს შესაძლებლობების ერთ-ერთი ილუტრაცია გახდა თამაშის Spore დემონსტრაცია, რომელიც შექმნილია Electronic Arts-ის „მობილური დეპარტამენტის“ მიერ.

    ინტერვიუში Engadget-თან Electronic Arts-ის წარმომადგენლებმა გვაცნობეს ზოგიერთი დეტალი Spore-თან დაკაშირებით და თავისი გეგმების შესახებ iPhone-თან მიმართებაში. მათი განცხადებით, Spore-ი, რომელიც სექტემბერში გამოვა, iPhone-ისათვის გახდება პირველი თამაში, უცხო კომპანიის მიერ გამოშვებული, თუმცა Electronic Arts-ი ეხლა უკვე მუშაობს რამდენიმე თამაშზე და აქტიურად იყენებს iPhone SDK-ს. კომპანიას ძალიან მოსწონს თაჩსქრინი და სივრცული მდებარეობის განმსაზღვრელი, რომლებიც ძალიან მოსახერხებელია Spore-ში სათამაშოდ. Electronic Arts-ი ძალიან კმაყოფილია Apple-თან თანამშრომლობით.

    „ანიმაციური ტექნოლოგიები, რომლებიც გამოიყენება iPhone-ში, შესაძლებლობას გვაძლევს შევქმნათ შესანიშნავი თამაშობები, — განაცხადა Electronic Arts-ის აღმასრულებელმა დირექტორმა ჯონ რიჩიტელომ (John Riccitiello). — ჩემი აზრით, iPhone-ის მფლობელები გაოგნებული დარჩებიან იმ თამაშებით, რომლებსაც ჩვენ შევქმნით ამ პლათფორმისათვის“.

    წყარო: Engadget

  • EA-მ კიდევ ორი თამაში გამოუშვა Mac-ისათვის

    კომპანიამ Electronic Arts დაიწყო ორი ახალი თამაშის რეალიზაცია Mac OS X-ისათვის – სპორტული სიმულატორები Tiger Woods PGA Tour 08 და Madden NFL 08.

    ამ თამაშების გამოშვება განცხადებული იყო კომპანიის მიერ Apple Worldwide Developer Conference-ზე ამ წლის ივნისში. მაშინ კომპანიამ პირობა დადო, რომ თამაშებს გამოუშვებდა ერთდროულად Mac-ისთვის და Windows-ისთვის, თუმცა მოგვიანებით გამოშვება გადადო სექტემბერ-ოქტომბერზე.

    ორივე თამაში, როგორც მათი წინამორბედები, იყენებენ Cider ტექნოლოგიას, რომელიც შესაძლებლობას იძლევა შეიქმნას თამაშის Mac-ვერსია Windows-ვერსიის მცირეოდენი გადაკეთებით.

    თამაშების გასაშვებად საჭიროა Mac-კომპიუტერი Intel Core Duo პროცესორით, 1 გბაიტი მეხსიერებით, NVIDIA 7300, ATI x1600 ან უკეთესი ვიდეო-ბარათით, აგრეთვე Mac OS X 10.4.9 და უფრო ახალი. კომპიუტერებზე Power-პროცესორებით ახალი ტამაშები არ გაეშვება.

    წყარო: MacNN