კომპანია Asia Optical-ის თავმჯდომარემ, რობერტ ლაიმ ამასწინათ განაცხადა, რომ მისი კომპანია Apple-ს აწვდის VGA-ლინზებს ახალი ტელეფონის ფრონტალური კამერისათვის თვეში 3 მილიონი ცალის ოდენობით.
ეს გვაძლევს უფლებას ვივარაუდოთ, რომ ეფლი აპირებს მინიმუმ 9 მილიონი აპარატის რეალიზაციას სექტემბრის ბოლომდე, რაც 20%-ით მეტია ვიდრე გასულ წელს iPhone 3GS-ის მაჩვენებლები.
ჯამში ეფლმა შესაძლოა კვარტლის ბოლომდე 10 მილიონი ეგზემპლარი გაყიდოს, რაც სარეკორდო მაჩვენებელი იქნება.
ბოლო სტატისტიკური მონაცემების მიხედვით ბრაუზერის Internet Explorer წილი ბაზარზე პირველად 1999 წლიდან ჩამოვიდა 60 პროცენტიანი ნიშNულის ქვემოთ! ბრაუზერების ომი კვლავ გაჩაღდა!
დღეისათვის Microsoft-ის პროგრამით სარგებლობს მომხმარებელთა 59,95 პროცენტი. ორი წლის წინ ეს მაჩვენებელი 80 პროცენტი იყო.
დიდი ნაწილი გადავიდა Firefox-ზე, რომლესაც დღეისათვის ბაზრის 25 პროცენტიანი წილი აქვს. Google Chrome-ს — 6,7 პროცენტი, ხოლო Apple Safari-ს — 4,72 პროცენტი. Opera როგორც ყოველთვის აუტსაიდერია — 2,3 პროცენტი.
WWDC კონფერენციის მოახლოებასთან ერთად iPhone–ის ახალი, ჯერ არგამოსული მოდელი სულ უფრო ხშირად იპყრობს მომხმარებელთა, დამკვირვებელთა და ექსპერტთა ყურადღებას. კომპანია Pacific Crest–ის ექსპერტი ენდი ჰარგრივზი (Andy Hargreaves) ვარაუდობს, რომ ბოლო კვირების განმავლობაში ოპერატორებთან ახალი შეთანხმებების ხარჯზე, iPhone–ის პოტენციური ბაზარი 520 მილიონი მომხმარებლით, ანუ 669 მილიონამდე გაიზარდა.
ჰარგრივზი წინასწარმეტყველებს, რომ მიმდინარე წელს მთელს მსოფლიოში 1,27 მილიარდი მობილური ტელეფონი გაიყიდება, ხოლო მომავალ წელს 1,37 მილიარდი. სმართფონების გაყიდვა დაახლოებით 33%–ით, 61 მილიონი მოწყობილობიდან, 81,3 მილიონამდე გაიზრდება. ამ მაჩვენებლების გათვალისწინებით იგი აკეთებს პროგნოზს, რომ მიმდინარე წლის ბოლომდე iPhone–ის გაყიდვები 10,5 მილიონიან ნიშნულს მიაღწევს, ხოლო მომავალ წელს Apple 15,3 მილიონ ტელეფონს გაყიდის.
იმ ფაქტორთა შორის, რომლებიც ხელს შეუწყობენ ტელეფონის გაყიდვების ზრდას, ჰარგრივზი ასახელებს iPhone SDK–ის მიმართ კორპორატიული კლიენტების ინტერესსა და ჩინეთის, იაპონიისა და რუსეთის ბაზრების დიდ პოტენციალს.
ანალიტიკოსმა კომპანიის ერთეული აქციის მომავალი ღირებულება 225$–ით განსაზღვრა.
წყარო: Barron
როგორც AppleInsider.com იტყობინება, აპრილში გაყიდული მაკინტოშების რაოდენობა გასული წლის ანალოგიური პერიოდის მაჩვენებელს 50%–ით აღემატება. ფულად გამოსახულებაში ზრდამ 46% შეადგინა. ამავე პერიოდში მთელი ბაზარი მხოლოდ 17%–ით გაიზარდა.
პირველწყარო კომპანია Lehman Brothers–ის ანალიტიკოსის ბენ რიცის (Ben Reitz) ანგარიშგებას ეყრდნობა. იგივე ანალიტიკოსი, ახალი სასწავლო წლის დაწყების წინ, Macbook–ის ყველა მოდელის შეცვლას წინასწარმეტყველებს. ანუ აგვიტოში, ყველა მოდელის დიზაინი MacBook Air–ისაზე იქნება დაფუძნებული.
კომპანია Jupiter Research–ის ანალიტიკოსს, ჯო უილქოქსს, eWeek–ის საიტზე, საკუთარ ბლოგზე AppleWatch, მოჰყავს ახალი პროდუქტის განვითარების NPD მონაცემები, რომელთა მიხედვითაც Apple–ის წილმა პერსონალური კომპიუტერების აშშ–ს საცალო ბაზარზე პირველი სამი თვის განმავლობაში 14% შეადგინა. კიდევ უფრო შთამბეჭდავად გამოიყურება ამავე ბაზრის ერთ–ერთი სეგმენტის – 1000$–ზე ძვირი კომპიუტერების მონაცემები, აქ Apple 66%–იან წილს ფლობს.
ანალიტიკოსს კომპანიის წარმომადგენლის სიტყვები მოჰყავს – „iMac–ის გაყიდვები იზრდება, ხოლო Windows–იანი სამაგიდე კომპიუტერებისა არა. რომელი მხრიდანაც არ უნდა შეხედოთ მაინც ჩანს, რომ Apple უსწრებს Windows–ს“.
უილქოქსის აზრით PC–ის ჩამორჩენის მიზეზები Vista–ს ცივად დახვედრაში არ უნდა ვეძიოთ, რამეთუ მომხმარებელს უმეტეს შემთხვევაში ნაკლებად აღელვებს Windows–ის რომელი ვერსია აყენია კომპიუტერზე.
წყარო: AppleWatch