დოქტორ დელფიუსის ლაბორატორია

Tag: SDK

  • iPhone SDK-ში შეუძლებელია სრულფასოვანი IM-კლიენტის შექმნა

    პირობებმა, რომელთა შესრულებას მოითხოვს Apple iPhone-ის პროგრამებისაგან, — ინტეპრეტირებადი კოდის არარსებობა, ჩადგმული და ფონური პროგრამები — შეიძება საფრთხეში ჩააგდოს მთელი რიგი პროგრამების გადმოტანა ამ მოწყობილობაზე.

    „აიფონის პროგრამაშ ვერ შესრულდება ჩატვირთვადი წყარო, თუ მას არ ასრულებს Apple API, — ნათქვამია iPhone SDK-ს ხელშეკრულებაში. — პროგრამა ვერ დააყენებს ან ვერ შეასრულებს სხვა პროგრამას, ვერ გამოიძახებს უცხო პროგრამულ ინტერფეისებს სხვა ამდაგვარ ქვესისტემებს“.

    Mozilla-ს პროგრამისტი რობ სეიერი (Rob Sayre) თავის ინტერნეტ-დღიურში მიუთითებს, რომ ეს შეზღუდვები ხელს უშლიან არა მარტო Firefox-ის iPhone-ვერსიის შექმნას, არამედ აგრეთვე Opera-სი, Excel-ისა და ზოგიერთი თამაშისაც კი, მაგალითად Quake, რომელიც სკრიპტულ ენას იყენებს. შეზღუდულია აგრეთვე Adobe Flash-ის ან Java-ს გამოყენება. კიდევ უფრო უარესადაა საქმე მყისიერი შეტყობინებების პროგრამებთან — IM, VoIP და ა.შ., რომელთა ფონურ რეჟიმში მუშაობის აკრძალვა საერთოდ კარგავს მათი გამოყენების აზრს.

    წყარო: AppleInsider

  • iPhone SDK ჩამოტვირთეს 100 ათასჯერ

    Apple-მა განაცხადა იმის შესახებ, რომ პირველი ოთხი დღის განმავლობაში iPhone SDK ჩამოიტვირთა 100 ათასჯერ.

    „პროგრამისტების რეაქცია iPhone SDK-ს გამოსვლაზე ფანტასტიურია: ოთხ დღეში 100 ათასი ჩამოტვირთვა, — გვამცნო Apple-ის პროდუქტების საერთაშორისო მარკეტინგის ვიცე-პრეზიდენტმა ფილიპ შილერმა (Philip Schiller). — მილიონამდე მომხმარებელმა ნახა პრეზენტაციის ვიდეოჩანაწერი, რაც კიდევ ერთხელ ხაზს უსმევს პროგრამისტების არნახულ ინტერესს “.

    წყარო: Apple

  • iPhone SDK-სა და ActiveSync-ის მხარდაჭერამ აღაფრთოვანა Apple-ის ინვესტორები

    Apple-ის გეგმებმა iPhone-თან მიმართებაში, რომლებიც გაჟღერდა iPhone Software Roadmap-ზე, მიმდინარე წლის 6 მარტს, ოპტიმიზმის ახალი პორცია შთაბერეს Apple-ის ინვესტორებს, რომელთა ნაწილი ფრიად დაზარალდა აქციების ბოლო ვარდნის შედეგად $200-დან $120-მდე.

    American Technology Research-ის ანალიტიკოსის შო ვუს (Shaw Wu) აზრით, კომპანიის მიერ განცხადებულმა ანონსებმა არა თუ გაამართლეს ინვესტორთა და მყიდველთა მოლოდინი, არამედ გადააჭარბეს კიდეც. კერძოდ, ანალიტიკოსი განსაკუთრებით აღნიშნავს ActiveSync-ის მხარდაჭერას, რაც ტელეფონს საშუალებას აძლევს დაუკავშირდეს კორპორატიულ Microsoft Exchange სერვერს.

    ვუ თვლის, რომ ბოლო ანონსების შედეგად 10 მილიონი iPhone-ის გაყიდვა წლის ბოლომდე სრულიად რეალური ხდება. ანალიტიკოსმა ურჩია თავის მყიდველებს შეიძინონ კომპანიის აქციები და დაადგინა სამიზნე ფასი $175 დოლარის დონეზე.

    წყარო: MacNN

  • id Software-ის დამფუძნებელმა, ჯონ კარმაკმა დადებითად შეაფასა iPhone SDK

    id Software-ის დამფუძნებელმა, ჯონ კარმაკმა (John Carmack) გაგვიზიარა თავისი აზრები iPhone SDK-სთან და ახალ ინტერნეტ-მაღაზია App Store-სთან დაკაშირებით, რომლის მეშვეობითაც მალე გავრცელებას დაიწყებს iPod touch-ის და iPhone-ის პროგრამული უზურნველყოფა.

    დაუვიწყარი Doom-ის და Quake-ის ლეგენდარული ავტორის აზრით, iPhone SDK კარგი რამე უნდა იყოს — კარმაკმა აღნიშნა კოდის ემულატორში გაშვების შესაძლებლობა და მისი გამართვის შესაძლებლობა, აგრეთვე გაყიდული პროგრამის ღირებულების 70%-ის ავტორისთვის გადარიცხვის შესახებ.

    „პროგრამული უზურნველყოფის ინტერნეტ-მაღაზიის საშუალებით გავრცელება — გაცილებით მნიშვნელოვანი ასპექტია, ვიდრე ბევრს ჰგონია. დიდი პროგრამების გავრცელების შესაძლებლობა და პროდუქტის ეფექტური მარკეტინგი, შემოასავლის გონივრულად გადანაწილებასთან ერთად ამ ბაზარს ფრიად მიმზიდველს ხდის. ასეთი სახის ურთიერთქმედება მწარმოებელსა და მომხმარებელს შორის შესაძლოა მალე ძირიტადი გახდეს. საინტერესოა, რამდენი დრო დასჭირდებათ ბაზრის სხვა მოთამაშეებს, რათა გაიმეორონ ეს მოდელი. თუმცა, თუ ვიმსჯელებ საკუთარი გამოცდილებით, ვფიქრობ, რომ ეს მალე არ მოხდება“, — ამბობს კარმაკი.

    წყარო: MacRumors

  • Apple-მა წარმოადგინა iPhone SDK

    როგორც მოველოდით, Apple-მა გუშინ წარმოადგინა iPhone-ის SDK. გაიმართა სპეციალური ღონისძიება ჟურნალისტებისათვის, სადაც სტივ ჯობსმა აღნიშნა, რომ ეს აირს ზუსტად ის ნაკრები ხელსაწყოებისა, რომლებიც საჭიროა ვაშლოფონის პროგრამული უზურნველყოფის შესაქმნელად.

    კომპანიის განცხადებით, ნაკრების კომპონენტები შერცეულია ისეთი სახით, რომ პროგრამისტს, რომელიც ადრე უკვე ქმნიდა პუ-ს Mac OS X-ისათვის, არ გაუჭირდეს ახალ გარემოში გადასვლა. ტელეფონის თაჩ-ინტერფეისთან სამუშაოდ გამოიყენება API Cocoa Touch. SDK-ს ნაკრებში შედის Xcode-ის სპეციალური ვერსია (Mac OS X-ისათვის), რომელიც შეიცავს ინტერფეისის კონსტრუქტორს, პროგრამის გამართვის ხელსაწყოებს და სხვ. პროგრამის გამართვა შესაძებელია როგორც ფიზიკურ ტელეფონზე, აგრეთვე iPhone-ის ემულატორზე.

    ჯურნალისტებთან საუბარში Apple-ის ტექნიკურმა დირექტორმა ფილიპ შილერმა (Phil Schiller) განაცხადა, რომ ოს-ის ბირთვი ოპტიმიზირებულია ტელეფონის რესურსებთან სამუშაოდ, ხოლო ქსელთან და მულტიმედიასთან სამუშაო ქვესისტემები პრაქტიკულად იდენტურია Mac OS X-ისა — Core Animation და OpenGL გრაფიკისათვის, აგრეთვე Core Audio და OpenAL ხმისათვის.

    iPhone SDK-ს ბეტა-ვერსია ხელმისაწვდომია ჩამოსატვირთად Apple-ის ვებ-გვერდიდან.

    წყარო: Apple