ბოლო დრომდე კომპანია Google-ი აქტიურად იყენებდა Windows-ს, ხოლო იშვიათად Linux-სა და Mac-ს. მაგრამ იანვრის „ჩინურმა შემოტევამ“ ცხადყო, რომ საჭიროა ამ საკითხში კორექტივების შეტანა.
გუგლი აღარ შეიძენს მაიკროსოფტის პროდუქციას ადრეული რაოდენობით — კორპორაცია ირჩევს მაკს, ვინაიდან თვლის ამ ოპერაციულ სისტემას უფრო დაცულს და უსაფრთხოს. ჯერ-ჯერობით საუბარია სამაგიდე კომპიუტერებზე. გუგლის გეგმებშია ასევე საკუთარ ოს-ზე გადასვლა.
ტოპ-მენეჯრების ყოველწლიურ კონფრენციაზე CEO Summit საუბრისას, Microsoft-ის აღმასრულებელმა დირექტორმა სტივ ბალმერმა აღიარა, რომ მისმა კომპანიამ ტყუილად დაკარგა დრო ოპერაციული სისტემა Windows Vista-ს შექმნაზე. „ჩვენ ძალიან ვეცადეთ და შედეგად ტყუილად დავკარგეთ ათასობით კაც-საათი“, — განაცხადა ბალმერმა.
Windows Vista-ს წარმოება ძალიან გაიწელა, ალბათ უფრო იმის გამო, რომ Microsoft-ი ჯიუტად ცდილობდა დაენერგა გამჭოლი DRM-ი. ეს მართლაც ტიტანური შრომა გამოვიდა, რომელმაც ადექვატური აღიარება ვერ პოვა. მაშინ როდესაც Microsoft-ი ამ ამოცანაზე ტვინს ასხამდა, კონკურენტებმა Apple-ისა და Google-ის სახით დაიპყრეს ინტერნეტ-შიგთავსის ბაზარი. ბალმერის გამოსვლის ფრაგმენტები შეგიძლიათ ნახოთ 30-წუთიან ვიდეოში (Silverlight).
Apple-მა გამოუშვა iTunes-ის ახალი ვერსია, 7.7, რომელიც საჭიროა მთელი რიგი სიახლეების გასააქტიურებლად, — iPhone 3G, iPhone OS X-ის ახალი ვერსია, ინტერნეტ-მაღაზია AppStore და სერვისი MobileMe, რომელმაც .Mac-ი შეცვალა.
აღნიშნული სიახლების მხარდაჭერის გარდა, iTunes 7.7-ის სიახლეებს შორისაა iPhone/iPod touch -ის საშუალებით მაკის კომპიუტერის დისტანციური მართვის შესაძლებლობა სპეციალური პროგრამით, რომლის ჩამოტვირთვაც შესაძლებელია AppStore-დან.
განახლების დაყენება შესაძლებელია Apple Software Update-ის მეშვეობით Mac OS X და Windows სისტემებისათვის.
წყარო: Apple
განახლება აყენებს პუ-ს, რომელიც შესაძებლობას იძლევა უსადენო მიერთებით გამოვიყენოთ ოპტიკური დისკწამყვანები, რომლებითაც აღჭურვილია Mac ან PC კომპიუტერები, MacBook Air-თან ერთად გამოსაყენებლად.
განახლების Mac-ვერსია დაყენებსიათვის მოითხოვს Mac OS X 10.4.10 Tiger-ს ან უფრო ახალს ან Mac OS X 10.5 Leopard-ს. დისტანციურ დისკწამყვანად გამოყენებისათვის, რომელიც დაყენებულია PC-ში, საჭიროა Microsoft Windows XP ან Vista.
განახლების გადმოტვირთვა შესაძლებლია აქედან: Mac OS X (ფაილის ზომა — 61,4 მბაიტი), Windows (4,8 მბაიტი).
წყარო: Apple
რა გველის 2011 წელს? თუ ძალიან გაგვიმართლებს, ზუსტად სამი წლის შემდეგ ვიხილავთ Microsoft-ის შემდეგი თაობის ახალ ოს-სს — ე.წ. Windows 7, რომელზეც ჯერ-ჯერობით არაფერი არაა ცნობილი, თუ არ ჩავთვლით განცხადებას შემუშავების სამწლიანი ვადის შესახებ. მზიანი კალიფრონიის კონკურენტების პერსპექტივები გაცლებით უფრო თვალწარმტაცია – Gartner-ის ანალიტიკოსების აზრით, იმავე 2011 წელს Apple-ის საბაზრო წილი აშშ-ში და დასავლეთ ევროპაში გაორმაგდება.
ასეთი წარმატების მიზეზი ორმაგია: ერთის მხრივ, სტაბილურად მზარდი მოთხოვნილება, მეორეს მხრივ – კონკურენტების უსუსურობა წარმოადგინონ შესაბამისი სიძლიერის პროდუქტები. Gartner-ი აგრეთვე ვარაუდობს, რომ 2012 წლისათვის პორტატული კომპიუტერების წილი მობილურ მოწყობილობებს შორის მხოლოდ ნახევარი იქნება – დიდი პოპულარობას მოიპოვებენ „ჯიბის ინტერენტ-კომუნიკატორები 400 დოლარად ან უფრო იაფად”.
ძალიან ჰგავს iPhone-ს, არა?