დოქტორ დელფიუსის ლაბორატორია

Tag: Opera

  • Opera უერთდება Adobe Flash-ის კრიტიკას

    Adobe-ის და მისი Flash-ის კრიტიკა უკვე მოდურ ტენდენციად იქცა. აი ახლა Opera-ს დეველოპერებმაც ვერ მოითმინეს და ერთი-ორი კენჭის სროლა გადაწყვიტეს Adobe-ს ბოსტანში.

    როგორც განაცხადა ოპერას ანალიტიკოსმა, ფილიპ გრენვოლდმა, მათი ბრაუზერი ოპერა მინი ჯერ კიდევ ვალდებულია მხარს უჭერდეს Flash-ს, მაგრამ ეს მალე შეიცვლება. ტექნოლოგია გამოყენებადია დინამიური შიგთავსისათვის, მაგრამ უსუსურია როგორც ვიდეოს შესაფუთად პროცესორის რესურსების უაზრო გამოყენების გამო.

    “დღევანდელი ინტერნეტ-შიგთავსი ფლეშზეა დამოკიდებული. მოაშორეთ ეს ტექნოლოგია და თქვენ არ გექნებათ დღევანდელი ინტერნეტი… თუმცა ჩვენ ვთვლით, რომ მომავალი ღია სტანდარტებს ეკუთვნით, ფლეში კიდევ არ არის ღია”.

    ასევე გრენვოლდმა აღნიშნა, რომ ფლეშ-ვიდეოს დრო წავიდა.

    “ფლეშის, როგორც ვიდეო-კონტეინერის გამოყენებას აზრი არა აქვს ენერგიის და პროცესორის დიდი ხარჯვის გამო — თვენ შეძლებთ ერბო-კვერცხის მომზადებას მობილურ მოწყობილობაზე, თუ მასზე გაუშვებთ ფლეშს”.

  • iPhone-ი „ოპერის“ გარეშე

    ვერ მოვასწარი რა იმაზე ჩაფიქრება, თუ რა გამოვიდოდა iPhone-ისათვის ალტერნატიული ვებ-ბრაუზერის გამოშვებით, რომ ასეთი სახის პერსპექტივა მობილური Opera Mini-ს სახით აორთქლდა, როგორც შარშანედელი თოვლი. თუმცაღა, მოდით დავიწყოთ ოდნავ შორეული წარსულიდან: სამშაბათს, რვა იანვარს, Opera Software-ის ერთერთმა პროგრამისტმა დევიდ როზენმა (David Rosen) მისცა მოკლე ინტერვიუ Uberpulse ტექნო-ბლოგის რედაქტორს ჟან-ბაპტისტ სუს. საუბრის უდიდესი ნაწილი მიეძღვნა Opera 9.5 SDK ახალ შესაძლებლობებს ისეთ მობილური პლათფორმებზე, როგორიცაა Linux-ი და Windows Mobile-ი, თუმცა საუბრის მთავარმა სიახლემ გაიჟღერა ჩანაწერის ბოლო წამებზე: შეკითხვაზე, გამოვა თუ არა ოპერას iPhone-ვერსია, როზენმა ენთუზიაზმით განაცხადა „დიახ!“, რის შემდეგაც ინტერვიუ დასრულდა (ვიდეო შეგიძლიათ იხილოთ აქ YouTube-ზე).

    ინტერვიუს პუბლიკაციის შემდგომ Uberpulse-ში, რეზენის ფინალური შორისდებულით დაინტერესდნენ ჟურნალისტები Wired.com-იდან, რომლებმაც პროფესიული ჩვევიდან გამომდინარე გადაწყვიტეს დაეზუსტებინათ სენსაციური ინფორმაცია ნორვერგიულ კომპანიაში. პასუხი ცოტა არ იყოს უცნაური მიიღეს: „ეს ის შემთხვევაა, როდესაც მოზღვავებული ენთუზიაზმით გადავსებული პროგრამისტები კითხვაზე პასუხობენ თეორიულად“. ხელმოწერა — საზოგადოებასთან ურთიერთობის მმართველი მიშელ ვალდივია ლიენი. ამას შეგვიძლია დავამატოთ Insanely Great Mac-ის კომენტატორის კომენტარი: „კითხვაზე პასუხის გაცემა თეორიულად… არასდროს არ გადავყრილვარ უკან დახევის ასეთ ვარიანტს“.

  • და კვლავ სტატისტიკა

    პირველი ოქტომბრისათვის კომპანია Net Applications-ის ექსპერტებმა გამოიყვანეს კვარტალური სტატისტიკა Apple-ის პროდუქციასთან მიმართებაში. მათი არითმეთიკა 2007 წლის სექტემბრისათვის შემდეგნაირია: PPC-სისტემების წილი შეადგენს მსოფლიო ბაზრის 3,38%-ს, სულ ცოტათი ჩამორჩება ინტე-ვერსია – 3,23%, რაც ჯამში გვაძლევს 6,61%-ს მსოფლიო ბაზრისა. ეხლა შევადაროთ ეს სამი ციფრი ამ წლის ივნისის თვის მონაცემებს – მაშინ მაკინტოშების წილი შეადგენდა 6,46%-ს. ხოლო ოთხი წლის წინანდელი შედეგების გათვალიწინებით გამოვა, რომ ამ პერიოდში Apple-ის პროდუქციის წილი დაახლოებით ორი პროცენტით გაიზარდა.

    გრაფიკზე გამოსახულია Microsoft Windows-ის და Mac OS X-ის წილის ზრდის დინამიკა ბოლო თორმეტი თვის განმავლობაში. უკომენტაროდ.

    რათქმაუნდა Net Applications-ის ახალი გამოკვლევა სრული არ იქნებოდა Web-ბრაუზერების პოპულარობის გამოკვლევის გარეშე: ამ ეტაპზე Apple Safari-თ სარგებლობს 5,07% ინტერნეტ-მომხმარებელი. საერთო სურათი კი ასეთია: MS Internet Explorer – 77,86%, Mozilla Firefox – 14,88%, Apple Safari – 5,07%, Opera – 0,87% и Netscape – 0,72%. გრაფიკულად ეს ყველაფერი ასე გამოიყურება.